Pas arritjes së marrëveshjes për Reformën Zgjedhore, ambasadorja e SHBA-ve, Yuri Kim do të takohet me opozitën parlamentare në rezidencën e Ambasadës.Takimi, i cili është parashikuar të fillojë në orën 10:00 do të ketë në fokus miratimin e Reformës Zgjedhore në Kuvend, pasi në Kuvend duhen 84 vota, e cila shumica socialiste nuk i ka e vetme, ndaj duhen edhe votat e opozitës për të miratuar reformën e re.Deputetja Rudina Hajdari firmosi të premten marrëveshjen, por kryetari i grupit demokrat Myslim Murrizi deklaroi se opozita nuk do ta votojë këtë reformë, pasi nuk është përmbushur kushti i tyre për listat e hapura.