Që prej mëngjesit policia e EULEX-it ka bastisur zyrat e Organizatës së Veteranëve të UÇK-së. Pas më shumë se dy orësh nga këto zyra, policia e EULEX-it ka nxjerrë në pranga kreun e kësaj organizate, Hysni Gucati. Arrestimi i tij është përcjell me fishkëllima dhe kundërshtime nga disa ish-luftëtarë të UÇK-së.br Ai është arrestuar me vendim të Gjykatës e cila dyshohet të ketë lidhje me rrjedhjen e dosjeve që dyshohet se ishin të Gjykatës Speciale.br Derisa EULEX-i po vazhdonte bastisjen e zyrave të kësaj organizate, nga Deçani erdhi nënkryetari i Organizatës së Veteranëve Nasim Haradinaj.Tha se nuk shkon në zyrë pasi aty gjendet EULEX-i, ndërsa mohoi të ketë dëgjuar që ka urdhër-arrest për të.br ?Unë nuk e njoh këtë gjykatë, ne nuk e njohim këtë gjykatë. EULEX-i sillet me ne kështu sepse nuk na konsideron njerëz, nuk na konsideron të denjë?.br Por ai më pas u arrestua teksa ishte duke hyrë në një studio televizive ku ishte ftuar si mysafir. Ai nuk ka pranuar të transferohet pa praninë e Policisë së Kosovës.br Gucati e Haradinaj nuk janë intervistuar asnjëherë nga Gjykata Speciale as në cilësinë e dëshmitarëve e as të të dyshuarve për krime lufte.br Kohët e fundit në zyra të OVL të UÇK-së nga një person misterioz janë dërguar dosje për të cilat kjo organizatë pretendonte se janë të Gjykatës Speciale.br Madje krerët e organizatës nëpërmjet konferencave për media kanë dhënë detaje të këtyre dosjeve, ndërsa kopjet e tyre thonin se ua kanë dorëzuar disa mediave.br Ndërsa dosjet origjinale ua kanë dorëzuar hetuesve të Gjykatës Speciale të cilët ditëve të fundit kanë vizituar shpesh këtë organizatë.