chāhe tum merī bīnā.ī khurach Daalo phir bhī apne ḳhvāb nahīñ chhoḌūñgā br br un kī lazzat aur aziyyat se maiñ apnā koī ahd nahīñ toḌūñgā br br tez nazar nā-bīnāoñ kī ābādī meñ br br kyā maiñ apne dhyān kī ye pūñjī bhī ginvā duuñ br br haañ mere ḳhvāboñ ko tumhārī sub.hoñ kī sard aur sāya-gūñ tābīroñ se nafrat hai br br in sub.hoñ ne shaam ke hāthoñ ab tak jitne sūraj beche br br vo sab ik barfānī bhaap kī chamkīlī aur chakkar khātī golā.ī the br br so mere ḳhvāboñ kī rāteñ jaltī aur dahaktī rāteñ br br aisī yaḳh-basta tābīroñ ke har din se achchhī haiñ aur sachchī bhī haiñ br br jis meñ dhundlā chakkar khātā chamkīlā-pan chhe atrāf kā rog banā hai br br mere andhere bhī sachche haiñ br br aur tumhāre ''rog ujāle'' bhī jhūTe haiñ br br rāteñ sachchī haiñ din jhūTe br br jab tak din jhūTe haiñ jab tak br br rāteñ sahnā aur apne ḳhvāboñ meñ rahnā br br ḳhvāboñ ko bahkāne vaale din ke ujāloñ se achchhā hai br br haañ maiñ bahkāoñ kī dhund nahīñ oḌhūñgā br br chāhe tum merī bīnā.