बारामतीकरांसह(Baramati) राज्यातील जनतेमध्ये उपमुख्यमंत्री अजित पवार(Ajit Pawar) यांच्या हटके अंदाजाची चर्चा रंगली आहे. अजित पवार यांनी बारामतीमध्ये शनिवारी स्वत: रिक्षा चालवत अनेकांना धक्काच दिला. पियोजिओ कंपनीने विकसित केलेली इलेक्ट्रीक रिक्षा उपमुख्यमंत्री अजित पवार यांनी स्वत: चालवून पाहिली. त्यांनी कंपनीच्या आवारात एक फेरफटका मारत गाडीची तपासणी केली. पियोजिओ कंपनीने सामाजिक बांधिलकीच्या उद्देशातून बारामती नगरपालिकेस तीन इलेक्ट्रीक, एक सीएनजी व एक पेट्रोलवरील अशा पाच रिक्षा दिल्या आहेत.