कोल्हापूर महानगरपालिकेत स्थायी समिती सभापती पदाची निवड होती. या पदासाठी राष्ट्रवादीच्या नगरसेविका मेघा पाटील यांनी तर भाजप-ताराराणी आघाडीकडून आशिष ढवळे यांनी उमेदवारी अर्ज दाखल केला होता.या निवडीत अनपेक्षितपणे भाजपा ताराराणी आघाडीचे उमेदवार अशिष ढवळेंना ९ मतं पडली. तर राष्ट्रवादी आणि काँग्रेसच्या उमेदवार मेघा पाटील यांना ७ मतं मिळाली. या निवडीत काँग्रेस राष्ट्रवादी आघाडीचे नगरसेवक अफजल पिरजादे आणि अजिंक्य चव्हाण हे दोन नगरसेवक फुटले. सत्ताधारी राष्ट्रवादी आणि काँग्रेससाठी हा मोठा दणका मानला जातोय.