આર્મેનિયા અને અઝરબૈજાનની સેનાઓ વચ્ચે વધી રહેલા વિવાદ વચ્ચે, ભારતે આર્મેનિયા સાથે મિસાઈલ, રોકેટ અને દારૂગોળો સહિતના મોટા હથિયારોના સોદા પર હસ્તાક્ષર કર્યા છે. ભારત સાથે આ ડીલથી આર્મેનિયાને સુરક્ષા અને તાકાત મળશે. બીજી તરફ ભારતમાં હથિયાર ઉદ્યોગને પણ વેગ મળશે.મીડિયા રિપોર્ટ્સ અનુસાર ભારત અને આર્મેનિયા વચ્ચે લગભગ બે હજાર કરોડ રૂપિયામાં આ ડીલ નક્કી કરવામાં આવી છે. સૌથી મહત્વની વાત એ છે કે આ ડીલ હેઠળ આર્મેનિયા ભારતીય પિનાકા રોકેટ સિસ્ટમ મેળવનાર પ્રથમ વિદેશી ગ્રાહક હશે.