Uocchie br Giovanna Balsamobr ❤️❤️br Comm'a 'e spiecche songhe ll'uocchie,br quanno te guardano nsistentemente:br te traseno nfino a ddint'a ll'anema,br fotografano chello ca tiene 'int'a mente. br Uocchie verde, celeste, chiare, scure:br triste, allere...uocchie 'e tanta culure!br Uocchie malinconiche cu 'e cciglie nfose,br meste e ttriste comm'a nnuvole picciose. br Uocchie adulatore, uocchie ruffiane,br uocchie sfacciate, uocchie puritane.br Uocchie busciarde, uocchie d'attore:br ca lusingano, ma nun provano ammore. br Uocchie addiruse, uocchie paunazze:br uocchie ncazzate...uocchie 'e pazze.br Uocchie scurnuse ca diceno bbelle parolebr e acalano 'o sguardo pe scuorno o pudore.br Uocchie cuntente, ca rideno allere,br uocchie fauze, uocchie sincere.br Uocchie nire comm'ô ccarbone cucente,br ca s'appicciano comm'ê tizzune ardente. br Uocchie 'e mamma addó se vede 'o core...br ca quann'addentano fridde e ssenza calore,br s'alluntanano dicenno: "vaco s'è ffatto tarde..."br primm'e se nzerrà te lassano ll'urdemo sguardo.