विधान परिषदेच्या 2 पदवीधर व 3 शिक्षक अशा एकूण 5 मतदारसंघांसाठी आज मतदान होत आहे. नाशिक, अमरावती या पदवीधर तर औरंगाबाद, नागपूर आणि कोकण या शिक्षक मतदारसंघासाठी आज सकाळी 8 वाजेपासून मतदानाला सुरूवात झाली आहे. शिंदे-फडणवीस सरकार सत्तेत आल्यानंतर या निवडणुकीत प्रथमच भाजप व महाविकास आघाडीची परीक्षा होणार आहे. त्यामुळे या निवडणुकीत कोण बाजी मारणार? हे पाहणे उत्सुकतेचे ठरणार आहे.