राष्ट्रवादी काँग्रेसचे आमदार रोहित पवारांनी एक सूचक ट्वीट केलं आहे. सत्ताधारी आमदारांच्या बाबतीत त्यांनी हे ट्वीट केलं आहे. "भूकंपापूर्वी प्राणी आणि पक्षांचं वर्तन बदलत असतं... एकप्रकारे ती भूकंपाची पूर्वसूचनाच असते…असंच एक वेगळ्या प्रकारचं माझं निरीक्षण आहे. सत्ताधारी पक्षातील अनेक सहकारी आमदारांची कामानिमित्त मुंबईत असताना भेट झाली. त्यावेळी काही गोष्टी प्रकर्षाने जाणवल्याचे रोहित पवारांनी म्हटलं आहे. या आमदारांच्या चेहऱ्यावर अस्वस्थता आणि बॉडी लँग्वेज पडलेली होती. सत्ताधारी असूनही काही आमदारांना मुख्यमंत्र्यांना भेटता येत नसल्याचं समजलं. शिवाय अर्थ विभागातून विशिष्ट पक्षाच्याच फायली मंजूर होत असून त्याचा वेगही अचानक वाढल्याचं समजलं. ही कोणत्या भूकंपाची चिन्ह असावीत?" असं सूचक वक्तव्य रोहित पवारांनी ट्वीटमधून केलं आहे.