خلونا نبدأ أخبارنا معاكم من السياحة المصرية.. سلطت صحيفة التليجراف البريطانية الضوء على أبرز الأماكن فى شمال أفريقيا علشان قضاء عطلات الخريف بعيد عن موسم الأعاصير الأوروبى واللي اكدت ان في مقدمتهم مصر والمغرب وتونس، الصحيفة قالت أن ال٣ دول دول موطن لمدن ساحرة بتتميز بالمد والجزر، وكمان في بدائل كثيرة فى الأقصر والجيزة والقاهرة اللي بتعتبر نقطة جذب لعجائب الماضي.. br طبعا أكدت كمان ان مصر بتعتبر فرصة خالدة لقضاء أسبوع ما بعد الصيف ومن ضمن الأماكن اللي نصحت بزيارتها شرم الشيخ منطقة المنتجعات الأكثر شعبية فى مصر والجونة ومرسى علم اللي صعدت لمكانة بارزة فى عالم السفر كوجهة من الدرجة الأولى للغوص، علشان فيها مساحات شاسعة من الشعاب المرجانية.. تفاصيل اكتر خلونا نعرفها من الأستاذ باسم حلقة نقيب السياحيين..