.فقرتنا الإخبارية هنبدئها مع حضرتكم من الاحتفال بأعياد شم النسيم واللي المصريين من زمان ليهم طقوس خاصة جدا بترجع لعصر الفراعنة وطبعا لما نتكلم عن شم النسيم يجي في دماغنا على طول أكل الفسيخ والرنجة، ورغم اللي المخاطر الصحية اللي ممكن يسببها كتر أكل النوع ده من السمك إلا اننا مش بنقدر نمنع نفسنا عنها، وعلشان كدة وزارة الصحة عملت مناشدة مهمة للمواطنين أنهم في حال ظهور أي أعراض غير طبيعية أو مرضية بعد أكل الفسيخ لازم يروحوا فورا لأقرب مركز علاج سموم خلال (24) ساعة من أكل الفسيخ، وده طبعا علشان تحافظ على حياتك لاقدر الله.