pਸ੍ਰੀ ਮੁਕਤਸਰ ਸਾਹਿਬ: ਜ਼ਿਲ੍ਹੇ ਦੇ ਨਜ਼ਦੀਕੀ ਪਿੰਡ ਚੜੇਵਾਣ ਦੇ ਵਿੱਚ 6 ਕਿੱਲੇ ਕਣਕ ਸੜ ਗਈ। ਪੀੜਤ ਕਿਸਾਨ ਕੁਲਵਿੰਦਰ ਸਿੰਘ ਨੇ ਦੱਸਿਆ ਮੈਂ ਤਕਰੀਬਨ 7 ਕਿੱਲੇ ਜ਼ਮੀਨ ਠੇਕੇ ਉੱਤੇ ਲੈ ਕੇ ਕਣਕ ਦੀ ਬਿਜਾਈ ਕੀਤੀ ਸੀ ਪਰ ਬਿਜਲੀ ਮਹਿਕਮੇ ਦੀ ਲਾਪਰਵਾਹੀ ਨਾਲ ਮੇਰੀ ਕਣਕ ਸੜ ਗਈ ਹੈ। ਕਿਸਾਨ ਨੇ ਦੱਸਿਆ ਕਿ ਉਸ ਸਿਰ ਕਰਜਾ ਪਹਿਲਾ ਹੀ ਹੈ ਅਤੇ ਉਹ 2 ਧੀਆਂ ਦਾ ਪਿਤਾ ਹੈ। ਪੀੜਤ ਕਿਸਾਨ ਨੇ ਮਦਦ ਦੀ ਗੁਹਾਰ ਲਗਾਈ ਹੈ। ਉੱਥੇ ਪਿੰਡ ਵਾਸੀਆਂ ਦਾ ਕਹਿਣਾ ਸੀ ਇਸ ਵਿਅਕਤੀ ਦੀ ਸਭ ਨੂੰ ਮਦਦ ਕਰਨੀ ਚਾਹੀਦੀ ਹੈ ਤਾਂ ਜੋ ਇਹ ਆਪਣੇ ਘਰ ਦਾ ਗੁਜਾਰਾ ਚਲਾ ਸਕੇ ਅਤੇ ਆਪਣੀਆਂ ਧੀਆਂ ਦੀ ਫੀਸ ਭਰ ਸਕੇ।p