ಹಾಸನದಲ್ಲಿ, ನವವಧು ಕವನ ಅವರು ತಮ್ಮ ಮಾಂಗಲ್ಯಧಾರಣೆಯ ಸಂಭ್ರಮ ಮುಗಿದ ಕೂಡಲೇ, ಬಿ.ಕಾಂ ಅಂತಿಮ ವರ್ಷದ 'ಆದಾಯ ತೆರಿಗೆ-2' ಪರೀಕ್ಷೆ ಬರೆಯಲು ಪರೀಕ್ಷಾ ಕೇಂದ್ರಕ್ಕೆ ದೌಡಾಯಿಸಿದ್ದು ಗಮನ ಸೆಳೆದಿದೆ. ಇಂದು ಬೆಳಗ್ಗೆ 9 ಗಂಟೆಗೆ ಗುಡ್ಡೆನಹಳ್ಳಿಯ ದಿನೇಶ್ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಪ್ರೈಡ್ ಪದವಿ ಕಾಲೇಜಿನ ವಿದ್ಯಾರ್ಥಿನಿ ಕವನ, ಶಿಕ್ಷಣದ ಮಹತ್ವ ಸಾರುತ್ತಾ, ಪೋಷಕರು ಹಾಗೂ ಸಹೋದರ ಕಾರ್ತಿಕ್ ಅವರ ಸಂಪೂರ್ಣ ಸಹಕಾರದೊಂದಿಗೆ ಪರೀಕ್ಷೆಗೆ ಹಾಜರಾಗುವ ಮೂಲಕ ಇತರರಿಗೆ ಸ್ಫೂರ್ತಿಯಾಗಿದ್ದಾರೆ.