pبڈگام: وادی کشمیر کے چرواہے، خاص کر خانہ بدوش بکروال، جو ہر سال گرمیوں میں اپنے مال مویشیوں کو پہاڑی چراگاہوں کی طرف لے جاتے ہیں، اس بار پابندیوں کے باعث نشیبی علاقوں میں ہی درماندہ ہو گئے ہیں۔ppیہ پابندی پہلگام حملے، اور بعد ازاں بھارت پاک کشیدگی کے باعث عائد کی گئی یا کسی اور سیکورٹی صورتحال کی وجہ سے؟  اس ضمن میں کوئی واضح موقف یا بیان سامنے نہیں آیا ہے۔ppشدید گرمی اور جنگلی جانوروں کے خطرات نے صورتحال مزید پیچیدہ بنا دی ہے، جبکہ چرواہوں کا دعویٰ ہے کہ رات میں انہیں کہیں ٹھہرنے کی بھی اجازت نہیں۔ppحکام کا دعویٰ ہے کہ وہ مسئلے سے باخبر ہیں اور جلد ہی اس ضمن میں کوئی فیصلہ متوقع ہے۔ppچرواہوں نے حکومت سے فوری طور پر انہیں اپنی روایتی چراگاہوں تک رسائی دینے کی اپیل کی ہے، تاکہ مزید نقصان سے بچا جا سکے۔p