pسرینگر (جاوید ڈار) : نیشنل کانفرنس کے سرپرست ڈاکٹر فاروق عبداللہ نے حکومت ہند پر زور دیا ہے کہ وہ لداخ کے لوگوں کے ساتھ بامعنی بات چیت کرے۔ سابق وزیر اعلیٰ نے خبردار کیا کہ ’’اگر ان کے طویل عرصے سے چلے آ رہے مطالبات کو نظر انداز کیا گیا تو حساس ہمالیائی خطے میں بدامنی مزید گہری ہو سکتی ہے۔‘‘ppسرینگر میں ایک پریس کانفرنس سے خطاب کرتے ہوئے فاروق عبداللہ نے کہا کہ ’’لیہہ میں حالیہ پرتشدد واقعات برسوں سے حل طلب مسائل کا براہ راست نتیجہ ہیں۔‘‘ppانہوں نے نشاندہی کی کہ لداخی عوام گزشتہ پانچ برسوں سے چھٹے شیڈول میں شمولیت اور ریاستی درجے کی بحالی کا مطالبہ کر رہے ہیں لیکن انہیں ’’صرف مبہم یقین دہانیاں‘‘ کی حاصل ہوئیں۔ppفاروق عبداللہ کے مطابق: ’’لداخ میں جو کچھ ہوا وہ درست نہیں تھا۔ لوگ سونم وانگچک کی قیادت میں پُرامن جد و جہد کر رہے تھے، جنہوں نے گاندھیائی طریقہ اپنایا، لیکن اس کا کوئی نتیجہ نہیں نکلا۔ جب لیہہ کے نوجوانوں نے محسوس کیا کہ ان کی آواز سنی نہیں جا رہی تو وہ تشدد پر اُتر آئے۔‘‘p