ಪಾಕಿಸ್ತಾನ ಪ್ರಧಾನಿ ಶೆಹಬಾಜ್ ಷರೀಫ್ ಹಾಗೂ ಸೇನಾ ಮುಖ್ಯಸ್ಥ ಅಸೀಮ್ ಮುನೀರ್, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ಶ್ವೇತಭವನದಲ್ಲಿ ಭೇಟಿ ಮಾಡಿ 90 ನಿಮಿಷಗಳ ಮಾತುಕತೆ ನಡೆಸಿದರು. ವಿಶ್ವಸಂಸ್ಥೆಯ 80ನೇ ಅಧಿವೇಶನಕ್ಕೂ ಮುನ್ನ ನಡೆದ ಈ ಸಭೆಯಲ್ಲಿ ಭದ್ರತೆ, ಆರ್ಥಿಕತೆ, ಭಯೋತ್ಪಾದನೆ ನಿಗ್ರಹ, ಖನಿಜ ಸಂಪತ್ತು ಶೋಧನೆ, ತೈಲ ಪರಿಶೋಧನೆ, ಬಾಗ್ರಾಮ್ ವಾಯುನೆಲೆ ಮತ್ತು ಚೀನಾ ಪ್ರಭಾವದ ಕುರಿತು ಚರ್ಚಿಸಲಾಯಿತು. ಜಂಟಿ ಭಯೋತ್ಪಾದನಾ ನಿಗ್ರಹ ಘಟಕ ಸ್ಥಾಪನೆಗೂ ಒಪ್ಪಂದವಾಯಿತು. ಸಭೆಯ ಬಳಿಕ ಭಾರತ-ಪಾಕಿಸ್ತಾನ ಕದನ ವಿರಾಮ ಹಾಗೂ ಮಧ್ಯಪ್ರಾಚ್ಯ ಶಾಂತಿಗೆ ಟ್ರಂಪ್ ಕಾರಣ ಎಂದು ಪಾಕಿಸ್ತಾನ ಪ್ರಧಾನಿ ಶೆಹಬಾಜ್ ಷರೀಫ್ ಹಾಡಿ ಹೊಗಳಿದರು.