pگاندربل: جموں کشمیر پولیس نے وسطی کشمیر کے گاندربل ضلع اور جنوبی کشمیر کے شوپیاں ضلع میں ہفتہ کو متعدد مقامات پر چھاپے مارے۔ پولیس بیان کے مطابق مخصوص انٹیلی جنس معلومات پر عمل کرتے ہوئے، گاندربل اور کنگن علاقوں میں 59 مقامات پر تلاشی مہم چلائی گئی جن کے متعلق اطلاعات ہیں کہ وہ دہشت گردی کی سرگرمیوں میں سہولت کاری، فنڈنگ اور فروغ دینے میں ملوث ہیں۔‘‘ppذرائع سے معلوم ہوا ہے کہ پولیس نے چھاپے کے دوران ڈیجیٹل آلات کے علاوہ مجرمانہ مواد قبضے میں لے لیا ہے تاہم اس بارے میں سیکورٹی ایجنسیز کی جانب سے کوئی بیان سامنے نہیں آیا ہے۔  p