السلام والتحية على حضراتكو .. أهلا بيكو معانا.. مزيد الدم مزيد من الضحايا مزيد من المحاكمات ..مزيد من المسيرات .. مزيد من المؤتمرات .. مزيد من التخوفات نحو امكانية انهاء المرحلة الانتقالية بسلام.. ديه.. مزيد الضيق مزيد من الشعور بالإحباط .. بالتأكيد في ناس كتيرة .. اكيد ناس كتير من اللي شايفانا متضايقة من اللي بيحصل .. متضايقة ومش عارفة تاخد موقف .. متضايقة ومش عارفة تتعاطف .. br متضايقة وشايفة اننا وصلنا لكدة نتيجة لاخطاء من الكل .. سواء من اصغر واحد وقف في الشارع لحد المجلس العسكري .. او حتى المعسكر الإسلامي كله من أقصله لاقصاه .. الناس شايفة باختصار انه لم ينجح احد.br لم ينجح احد لان .. لسه فيه ناس مصرية بتموت .. لم ينجح احد لان فيه ناس لسه بتتمسك في مظاهرات وتتحول للمحاكم العسكرية.. لم ينجح أحد عشان حال البلد اللي واقف .. وفي الاخر نلخص كل مشاكلنا في حكومة الجنزوري .. الناس ما بقتشي عارفة راسها من رجليها ما تخلونا نخلص من الفترة الانتقالية بهمها وقرفها عشان نعرف نبتدي من جديد.