ما حك جلدك مثل ظفرك فتولى انت جميع امرك: دة لسان حال عمالنا وفلاحينا اللي عمرهم ما كانوا قلالات الحيلة.. هم أول مين بيدفع تمن الظلم وهم اول مين بيقف في وشه وبرده بيدفع التمن والتاريخ شاهد ويبصم بالعشرة ويضرب بيهم المثل.. وآديهم بيضربوا لنا المثل مرة كمان: هم الأدرى بوجعهم وهم اللي هيكتبوا الروشتة.. وباختصار شديد: العمال والفلاحين قرروا يترجموا بإيديهم اللي تتلف في حرير أحلام ولاد البلد الشغيلة اللي بياكلوا لقمتهم من كدهم وعرق جبينهم، في وثيقة للحقوق الاقنصادية والاجتماعية للمواطن المصري تكون جزء من دستور بلدنا.