صباح الخير على جميع مشاهدينا وصباح الخير عليكي يا إيمان .. حلقة جديدة من صباح أون بنبدأها بأمنية صغيرة أوي .. ربنا يحفظ مصر .. الناس اللي عاوزاها تفضل في أزمة كتير .. وده طبعا بعيدا عن الأصابع الخفية والأجندات اللي بنسمع عنها طول الوقت .. اللي عاوزين البلد تفضل فوضى هما اللي ليهم مصلحة الفساد يستمر ويفضلوا بعيد عن العين .. لأن النظام مش مبارك وشوية المحبوسين .. لو دورنا في كل مصلحة ووزارة هنلاقي فاسد بيحاول يخرب .. المهم إمتى نخلص من الأشكال دي .. إمتى يا إيمان..br br هنخلص من الفساد لما الناس يبقى عندها ضمير وترفض تدي رشوة لموظف لسه فاتح الدرج عشان يقبض مقابل شغله .. هنخلص من الفساد لما يبطل أصحاب العربيات يمشوا عكس والعسكري واقف عامل مش من هنا عشان 20 جنيه .. طبعا مش كل الموظفين ولا كل العساكر فاسدين وفي أكيد ناس عندها ضمير لكن للأسف تايهين وسط الفساد اللي وصل للركب أو للوز .. مصر على رأي جلال عامر إمبارح قوية ومحدش يقدر يكسر مصر ..