يسعد مساكم وحلقة خاصة جدا من بلدنا بالمصري عل حس اتنين من اجدع ولاد البلد المغرمين المعجونين بعشق ترابها وأهلها.. وانشالله الليلة ديه تليق بمقاهم العالي والعزيز والغالي.. ونعيش ونفتكر، ولو اننا عمرنا ما ننساهم. br br "هي كدة ما تنولش منها غير بعد صد رد ووجع مخاض"..... طيب دلوقتي الشيخ سيد مكاوي وعمنا صلاح جاهين عاشوا في الدنيا ودة من بختنا اصحاب وحبايب ورفاق مسيرة عسيرةعلى راي عمنا احمد فؤاد نجم لكن على راي الشيخ سيد مكاوي قالك: "أنا وصلاح كنا زي ما تقول كده سميط ودقة، جبنة وزيتون، عسل وطحينة"... ولما جم يفوتونا ويفارقوا دنيتنا، سبحان الله شاء السميع العليم ان يوم الفراق يكون واحد، وان كان صلاح جاهين هو اللي سبق يوم 21 ابريل ستة 86.. وحصله الشيخ السيد في نفس اليوم بعدها ب11 سنة في 21 ابريل سنة 97..