وطالما بنكلم على المخلوع مبارك ، نحب نقول ان مرسى والجماعه مصممين يبرشطوا على الحاجات اللى اتعملت وقت مبارك وينسبوها لنفسهم زى مصنع المكرونة كدة فى الصعيد اللى مبارك افتتحه من 5 سنوات ومرسى راح افتتحه تانى ، لكن الغريب بقى انهم المرة دى البرشطة كبيره شويه، بيقولوا ان من انجازات مرسى انه فى عصره مصرى صنعت عربات مترو صناعه مصريه 100 وصناعة أول تابلت مصرى 100 - وده اللى قاله ياسر محرز المتحدث الرسمى باسم جماعة الإخوان المسلمين. br وطالما ان الاخوان مصممين على البرشطة على اى حاجة اتعملت فى مصر قبل كدة وينسبوها لنفسهم ، احنا هنرد عليهم بالصوت والصورة ، وأحمد نظيف بيتعاقد مع شركة ميتسوبيشى أنهم "يوردوا " واخدين بالكم يوردوا لمصر عربات مترو للخط الجديد وتتسلم لمصر فى 2012 و2013 يعنى مش صناعه مصرية ولا حاجة.br الانجازات اللى ياسر محرز المتحدث باسم الاخوان عاوز الاعلام يكلم عليها على انها من ايجابيات مرسى طلعت كلها من انجازات النظام السابق ، بجد كفايه برشطة وكذب صراح وتدليس بقى ، بقيتوا مفضوحين قوى والشعب خلاص عرف انكم كذابين ، لأ وكمان بيكلموا عن ان من انجازات المرسى اننا صنعنا تابلت مصرى 100 رغم ان ده كذب صراح.