1) Study the expert: to aayiye acting technique of experience ka pahla adhyaay shuru karte hain, Sabse pahla kadam hum aapne sapno ki zameen per ek majbut neev daalte hue badhaaenge, isake liye hume uss actor ko chunana hoga jiske hum die hard fan hain, zaahir si baat hai ki hum uss kalakar ki lagbhag saari filme dekh chuke hain.
2) Ab hum un filmon ko fir se dekhenge, lekin darshakon ki tarah nahi balki ek student ki tarah. Apni pasandeeda filmon ke sabse behtareen scene ko gaur se dekhiye aur baar-baar dekhiye. Notice kajiye ki aapke favourite actor ka movement kya hai? Wo har line mey kis word per adhik zor de rahe hain.
3) Aur jab wo chup hain to uss waqt aakhir kya kar rahe hain, apne favourite actor ko bas yu he mat dekhiye, balki unhe study kariye unpar research kariye aur ye jaanane ki koshish kijiye ki aakhir wo kaun see cheeje hai jisne unhe itne mahaan banaya.
4) Bahut ho gya study aur research ab karne ki baari hai, scene se apni pasandeeda liney uthaaiye aur read kariye, to kya aap same line ko unase alag tareeke se read kar rahe hain, aur agar yah alag hai to kaise aur kyu.
5) Ab kisi film ka remake dekhiye jaise ki don, aur observe kiriye ki “don ko pakadna mushkil hee nahi balki naamumkin hai” same line ko amitji aur shahrukhji ne kaise bola hai aur usame kya difference hai, aur difference hone ke bawajood dono logo ki dialogue delivery itani kamala ki aur yaadgaar kyu hai.
6) Cold reading: Aapne abtak apne favourite lines select kar liye honga, usako kisi page per likh lijiye aur ab bina kisi practice ke in lines ko read karna hai, jise hum cold reading kahte hain, aksar audition mey hume cold reading ka task diya jaata hai.
7) Jab baar-2 read karke aapko lagne lage ki aap isse perform kar sakte hain to improvise yaani ki bina kisi help ke, aapko jitni bhi liney yaad ho, usake basis per perform karna shuru kariye. Isse improvisational acting kahte hain aur yah actor ko jyada confident banaati hai.
8) Lines ko read kijiye, baad mey usse apne mind mey practice kariye aur usake baad audience ke saamne, ya agar audience ke saamne abhi aapko nervousness feel ho rha hai to mirror ke saamne ya camare mey apne performance ko shoot kar lijiye.
9) Sirf bolna hee nahi balki sahi waqt per pause lena acting ke liye behad jaruri hai, jaise hum real life mey full stop, comma, ya dusare punctuations use karte hain. Shuruat slow kijiye, dheere-2 confidence ke according aap speed ke saath khelna seekjh jaenge.
10) Koi one act play select kijiye aur saare characters ke dialogues speech dene jaisa read kijiye. Apni favourite movie ke kisi scene ka dialogue ya monologue lijiye aur usake concept ko samajhkar bina preparation ke perform kariye.
11) Kisi ke saamne perform karne ki zarurat nahi hai, aap nervous ya disturb ho sakte hain. Shuruat mey bas apne performance ko camera mey shoot kijiye, aur feedback ke liye usse play karke check kariye ki aapne kya achha kiya, aur mistake kanha hua.